مرجانة
عزيزي الزائر/عزيزتي الزائرة
تسجيلك في هذا المنتدى يأخذ منك لحظات ،ولكنه يعطيك امتيازات خاصة كالنسخ والتعليق وإضافة موضوع جديد أو التخاطب مع الأعضاء ومناقشتهم.
فإن لم تكن مسجلا من قبل فيُرْجى التسجيل .وشكرا .
ستحتاج إلى تفعيل حسابك من بريدك الإلكتروني بعد تسجيلك.
تحيات ادارة منتديات مرجانة

مرجانة

تربوية ثقافية
 
الرئيسيةالتسجيلدخول

شاطر | 
 

 عارفك عارفة.للزجال المغربي :نشر فيAbdelasis Hachmi

اذهب الى الأسفل 
كاتب الموضوعرسالة
مرجان
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1294
اسم الدولة : المغرب
نقاط : 4214
تاريخ التسجيل : 20/10/2011

مُساهمةموضوع: عارفك عارفة.للزجال المغربي :نشر فيAbdelasis Hachmi   الإثنين 08 أبريل 2013, 18:31


عارفك عارفة
بلا هواك ما نحيى
وبلا ريقك...
نموت بالعطش

عارفك عارفة
نتي هي الدنيا
وبلا شك عارفاني
كنبغيك بلا غش

عارفك عارفة
فعايلك د قلالين الحيى
قاضيتيلي الكلمة الحايلة
وخليتيلي الكلام حرش

عارفك عارفة
جريتيلي البكيا
انتي كتقهارني
وأنا فيك كنفشش
**********************
للأمانة منقول .للشاعر نشر فيAbdelasis Hachmi
يتبع ...
الرجوع الى أعلى الصفحة اذهب الى الأسفل
مرجان
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1294
اسم الدولة : المغرب
نقاط : 4214
تاريخ التسجيل : 20/10/2011

مُساهمةموضوع: رد: عارفك عارفة.للزجال المغربي :نشر فيAbdelasis Hachmi   الإثنين 08 أبريل 2013, 18:34

قصحتني الأيام للشاعر عبدالعازيز هاشمي

قَصَّحْنِي غدَارْ ليّامْ
الحرُوبْ فِيهَا تفْشَّاتْ
ما بْغَى يبِيضْ لِيمَامْ
النَّاسْ قَبْحتْ الخزْرَاتْ

سْمَايَا عمْرتْ غْيَامْ
بَانْ الَماجِي بْحَالْ اللِّي فَاتْ

القَهْرَة نصْبتْ الخيَامْ
الخصَارَة ف الجّبْهَة تنْقْشَاتْ

مَا نفَعْ تبَاتْ الزمَامْ
حتَّى الحُكَمَا تلْفَاتْ

خَايفْ لِيلْهَا يبْقَى دوَامْ
و يتْسَوَى الحَيْ معَ اللِّي مَاتْ..
******************يتبع
الرجوع الى أعلى الصفحة اذهب الى الأسفل
مرجان
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1294
اسم الدولة : المغرب
نقاط : 4214
تاريخ التسجيل : 20/10/2011

مُساهمةموضوع: رد: عارفك عارفة.للزجال المغربي :نشر فيAbdelasis Hachmi   الإثنين 08 أبريل 2013, 18:35

خلاوني عديم

خَلاّوْني عْديمْ
ف خلُوقْ عيسَى
فرْحُو ب العيد

ما نْفَعْ تخْمامي
ما كان للْوَقتْ تحْديدْ

جات الشّمْتَة
اطْري ولاّ قدّيد

واللِّي يْكلْمك يقُولْ:
"الصَّابر هوّ الشْديد".
...
1991
يتبع
الرجوع الى أعلى الصفحة اذهب الى الأسفل
مرجان
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1294
اسم الدولة : المغرب
نقاط : 4214
تاريخ التسجيل : 20/10/2011

مُساهمةموضوع: رد: عارفك عارفة.للزجال المغربي :نشر فيAbdelasis Hachmi   الإثنين 08 أبريل 2013, 18:37

من أوبيريت "السيدة الحرة"

...

خوفان على الحرة
مزينالي العايش ف مكاني
وفاين ما تقيم

راحتي نشوفها
ما بقى ف زماني
غيابها يرودني يتيم

العايلة منبهة
مفطنة ورافعة شاني
فاقت الطلبة ف التعليم

الفقها شاهدين
تلتت السولكة وشرحت المعاني
و ف الفتوة شانها عضيم

ما يليقشي نفارط
ونزوجا لشي غاني
يحسبا سبية ف الحريم
...
***************
يتبع
الرجوع الى أعلى الصفحة اذهب الى الأسفل
مرجان
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1294
اسم الدولة : المغرب
نقاط : 4214
تاريخ التسجيل : 20/10/2011

مُساهمةموضوع: رد: عارفك عارفة.للزجال المغربي :نشر فيAbdelasis Hachmi   الإثنين 08 أبريل 2013, 18:37


(من قصيدة ناقوس الرهبان)

...
هُما حروفي وأَنَا عَارْفومُ
صبْرُوم محدُودْ ...
دغْيَا يجْدبو...
وتجي الكلمة محَاسبانِي

و تقُولْ << ...
نسَى حروُفِي منْ بَالكْ
و خَليِّنِي هَانِي

نرْقدْ غِيرْ ف خيَالكْ
ما تنكّسنِي ب دَاتكْ
كيْتكْ دِيماَ تَابْعَنِي

بَعَّدْنِي أَسِدِي
غَدِي تْقَاضِينيِ ف البدُو
تفْقَصْنِي ب العَانِي

انتَ خُولاَ
قفْزُو علِيكْ ولاَدْ البهَايمْ
و خصّكْ الشّمْتَة
تولِّي شَامْتاَنِي

جبدْ الرِّيحْ
تسَّعْنِي يَا البُوهَاليِ
سحاَبْلكْ أنَا شَايطْ
هِيَّ شحَالْ منْ حَالَة ...
باغْياَنِي

انْتَ مدُوَّخْ معَ رَاسكْ
مزَعْزَعْ هجْرَاتكْ الفهَامَة
و حسْبَاتكْ برَّانِي

رتَاحْ شوِيَّة
عطِينِي ب التِّساعْ
عَفَاكْ نسَانِي

قَنّطْتِي بيَّا النَّاسْ
كرْهُوا يسمْعُنِي
بكّيِتيِلِي المعَانِي

شْرفْتِي يَا الخُلاَ
رصَّعْتِي بِيَّا الشكَاوِي
و النَّاسْ مَا بْقَاتْ طَايْقَانِي

سِيرْ يضرْبكْ ل الخْلاَ
سَمَّرْتِنِي ف الهَمْ و السوَادْ
و غْدَايدْ القرِيبْ و البرَّانِي

نقمْتِي بيَّا المَخْزنْ ...
حِينْ كَانْ صعِيبْ
هدَالِي لْجاَمْ و لَقْوَانِي

فرَغْتِي فِيَّ قَلْبكْ
المكْنُوزْ ب همُومْ ل الحْكَامْ
و غبِينتْ الغوَانِي

نشّفْتِي سَعْدِي ...
و شحَتْ ف القوَالْ
كُلْ مَرَّة غَمّكْ يلْقَانِي

يَا اللاَّهْ إِيوَا ... كفِّي
خَلِّي الرِّيحْ تجْرِي
الغمَالْ كَيْعَيّطْ يَا لَيْتَنِي

خَفّفْ ... رَاكْ طُوّلْتِي
احْشمْ شْوِيَّة
و خْطِينِي علِيكْ
مرْضكْ عَدَانِي

مَالكْ صايقْ بِياَّ
علَى كُلْ فَاسدْ
طنِينْ ل الحرُوبْ عيَّانِي

جعَلْتِنِي حجَارْ المقَا لَعْ
و قَرْطَاص الكلاَيطْ
صَافِي ... بَارَكَ
هَادْ الشِّي يكْفَانِي>>

بَارَكَا هنَا ن زَرّبْ
كْلاَمِي عزِيزْ علِيَّ
غزَالْ يجِيبْلِي الفَرْحَة

هُوَّ غِيرْ كَيْونّسْ الحبَابْ
منْ غِيرْ الجَاحدِينْ
الكلْمَة المرخْمَة
قَالُوا مبَحْبحَة

بغَ يُوشمْ وَرْدَة و صَافِي
علَى خَدْ بنَادمْ
يفطْنُ ب دَاتُ
وِ خَلِّيلُ لوْدنْ مرُوْحَة
...
***************
يتبع
الرجوع الى أعلى الصفحة اذهب الى الأسفل
 
عارفك عارفة.للزجال المغربي :نشر فيAbdelasis Hachmi
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مرجانة :: مرجانة الأدب والثقافة :: الشعر الشعبي والزجل-
انتقل الى: