مرجانة
عزيزي الزائر/عزيزتي الزائرة
تسجيلك في هذا المنتدى يأخذ منك لحظات ،ولكنه يعطيك امتيازات خاصة كالنسخ والتعليق وإضافة موضوع جديد أو التخاطب مع الأعضاء ومناقشتهم.
فإن لم تكن مسجلا من قبل فيُرْجى التسجيل .وشكرا .
ستحتاج إلى تفعيل حسابك من بريدك الإلكتروني بعد تسجيلك.
تحيات ادارة منتديات مرجانة

مرجانة

تربوية ثقافية
 
الرئيسيةالتسجيلدخول

شاطر | 
 

  الزجل المغربي.مخنارات

اذهب الى الأسفل 
كاتب الموضوعرسالة
الشادلي
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1584
اسم الدولة : المغرب
نقاط : 4869
تاريخ التسجيل : 01/05/2011
العمل/الترفيه : أستاذ
المزاج : مرتاح

الأوسمة
 :



" width= height=>

مُساهمةموضوع: الزجل المغربي.مخنارات   الثلاثاء 03 مايو 2011, 04:56

لبي

قلبي كاوياك النار

قلبي زادوك لجمار

مابقا ليا ما نختار

لا ف الليل ولا ف النهار

قلبي خونك لحباب

قلبي مابقاو لصحاب

قلبي راه راجعين نتراب

قلبي أو تمة لحساب

قلبي جرحاتك الخالة

قلبي السوايع بدالة

قلبي حالتك حالة

قلبي وف يوم ايفرج الله

قلبي امشى ازمان لعبيد

قلبي الرحمة ما تنقص اتزيد

قلبي ويزول كل قيد

ويعيش مرتاح ذاك لحفيد

قلبي راه اتقادى لكلام

قلبي وما نرضى بلسقام

قلبي كلشي ملهام

من عهد شلا اقوام

الغيواني مراد



--------------------------------------------------------------------------------

الصبر
حامل الهم في كياني
وحدي يا ناس انعاني
لا حد فكر ف حزاني
يتشفاو فيا عدياني
ديرة الخير ما صبروا عليه
طبعي انساني
سرقو الفرحة
ذبوحني ذبحة
ما لقيت الراحة
طبعي انساني
غيرت حلي قواو عدياني
صبرت على حالهم
ما صبرو على حالي
ما بغي المال
ما نطلب المحال
غير لهنا
طبعي رباني
جولة البلدان
قطعت طرقان
عاشرت ف كل امكان
طبعي انساني
حامل الهم ف كياني
صابر والصبر دوايا
هو المراد هو لغايا
سمحولي على شكايا
والله قصدي ونجايا
مراد النايمي الغيواني

--------------------------------------------------------------------------------

ويا الغادي
أنا غادي
قلتها نصحابي
تما اسعادي
وخا ابعادي
داتو الدوامة
مشى فيها ما ارجاع
عاشو العوامة
اغرق هو ما اطلع
ولن غادي ويا الغادي
ويا الغادي
مالك في حيرة
ولين غادي
واش اتعماتلك لبصير
ويا الغادي
راه لحياة اقصير
ولين غادي
واش ما ارضيتي بلحصيرة

الكامل مراد النايمي الغيواني

--------------------------------------------------------------------------------


كل يوم
كل يوم قتيل
كل يوم مجروح
كل يوم قتيل
كل يوم مذبوح
كل يوم ايطلقوا علينا نيران
كل يوم خويا في دارو حيران
مسلوب الكرامة
محكور بين الناس
عايش ف مهانة
ولا حد به حاس
احياتو شهامة
ومعاشو قرطاس
ضربانا الندامة
وتبعنا لهواس
كل يوم سايرين ايعذبو فينا
ويحاكمو اصغيرنا قبلا اكبيرنا
حنا ساكتين
احنا طايعين
هما بايعين
احنا شارين
كل يوم
مراد النايمي الغيواني

--------------------------------------------------------------------------------



دنيا
دنيا يا لمبكية لعيون
يا الساقية لجفون
الحاكرة المهموم
زايداه في النقوم
المفرحة المغبون
الماعندة المجنون
راك مغدي تدوم
في زمان اللوم
دنيا
كثرة فيك لهوال
وتقطعات لحبال
عوام ورى عوام
كثر فيك النوام
امحبتك ف المال
والخير فيك اقلال
اتكسرت لقلام
يا عش النمام
دنيا
دوارة صغيرة
والعيشة فيك امريرة
قرية ذليلة
والحقوق فيك اعليلة
ك السم في لخميرة
واليد فيها الجبير
سولوا كل اقبيلة
الرحمة فيك اقليلة
يا دنيا
الكامل مراد النايمي الغيواني

--------------------------------------------------------------------------------

عيق فيق، نوض يا نْعْسان
آش بيك؟ مالك يا إنسان
آش هاد الحال أ عريبان
يا لِّي على الأطلال عيشان
حلم الوحدة كان زمان

وحدة تلونت و شبعت لوان
بلون حرية غربي طمعان
بجور قمار، عسكري سكران
بشراكة شرقي دار عليه الزمان
حلم الوحدة كان زمان

خبز العربي ينبت فالسودان
نفط العربي.. مخزون فكاذا بلدان
و ماء العربي..؟
.. ما ناقصيناش الويدان
سلاح العربي..؟
نسولك منين جا لفلان و فلان
.. وعلى كل حال، حلم الوحدة كان زمان

في النضال قراع الراس و طاحو السْنان
مات الشعب، قهرو الشبعان
العربي مهزوم، جاهل و فْنْيان
الجِّيعان، آش خصك أ الجِّيعان؟
الرياضة، التشكيل و ف كل مدينة مهرجان
حلم العدل كان زمان

--------------------------------------------------------------------------------

يْشِيطُو الْكْلابْ

نبتة صار الغش عَنْدْنا زْرِيعَة بــــــــَدْرَة
والاصوات إيلَى تكلمتْ تعـــويكة لـــْديــابْ

ودياب حومتنا: جرة مجرورة جــــــــــرة
واللي حك يصيب يا صحابي عجب العُجابْ

بألــفْ نغمة كلامهم، بألـف نبــــــــــــــرة
شقشقة تمويهْ والدماغ فــريسة لْــنْيـَــــــــابْ

هاذ المخلوقات عاملة فْ كليبي جمــــــرة
شُعلة شعالة لهيبها ينطح السـحـــــــــــــــابْ

كمامْر منزُوعــة ونمرة تنسيك فْ نمـــرة
الواجهة أوعدي عامرة بنماذجْ صعــــــــابْ

ولا فيهم اللي تقـــول: هذا تعـلم وقْـــــــرَا
تهذب وتأدب واستقام ومشى فالصــــــتوابْ

ولا كان عْمْلنا من الدياب شي واحد عبرة
كشفناه، عريناه، كيف عرانا يالحبــــــــتــابْ

لو كان كلابنا .ديابنا. أساتيذ محضـــــــــــــــرةْ
عفًّوا. بالإكــراه تـــابوا. يا نعـم التـــــــــــــــوابْ

باعونا -يا ربي- ديابنا حسبونا بكــــــــــــــرة
فرسونا. والضمير غاب اعْـــلْن لْنْسِحَـــــــابْ

قساة، وعصاة، ومْراض مرضْ اللا يبــــــــــــرْا
ولا فيهم اللي تقـول: هذا ماشي كــــــذابْ

أو يحطْ يْدُّه. وما يطيَّرْ حتى هبــــــــــــــــــرة
ويحنْ على البلاد أو يشفقْ يخشى لْحساب

لْقْنافْدْ كُلْها مْشْوْكَة والدّْبِيحَة دْبْــــــــــرَة
جُرْحْ كْبِير عميقْ مالْقـــى للشّْفَـا اسْبَـابْ

الشعار والاقوال والسحاسح مع الغبــرة
ودَرْ الرمادْ فْ العيونْ والقلــــــوبْ "غــــــرابْ"

الخطفة والشر والخبث وابشع نعــــرة
بلعوا ما شبعوا. جوعــونا وقــالو : مكتـابْ

هاذ النماذجْ عندنا عائق وعتـــــــــــرة
ترعة يا وعدي مترعــــة وعرقلة لحبـــابْ


قواوْ أربي صْحاب الْقوالبْ فْ الهَــــــدْرَة
حْسْبْتْ وحسبت حتى عْيِيتْ،
وتْدْرْدْبْ لِي لْحسابْ


يْسرقوا ويْنْبحُوا كلابنا، وبقشور الْهـــــدْرة
يْنْحْتُوا نعوت لصنــــام و يْخْلقُوا ألقــــابْ

وحتى إيلَى رْجْمنا كل كلب بحجـــــــــــــرة
يتقاضى الحجر من الأرض ويْشيطُـــوا لْكـلابْ

وباب التـوبــة يـا العالي مولـى القدرة
دِيمَا مْفْتوحة فْ وْجَهْ اللـي آب وتــــابْ


وكيف يمكن يتوب من جْلْبْ وجذبْ فْ الحضرة
وْوَالْــف يِْعـيشْ كِالْحْبْل سْلسلَة على الرْقابْ



--------------------------------------------------------------------------------

هادشي ماشي معقول
الحياة ولاٌت كلها مسمومة
العدو فالحقد و الحسد مجحوم
الصاحب ناسي راسو كَيهوم
و القريب على همومو كيحوم

ها الدنيا صعيبة
اللي مترباش مع الدياب, يعوم فيها
بلا صبر و بلا عزيمة
الموج يديه الهيهَة
بعيد على دينو, على اخلاقو و على حبابو
يجرب الوحدة

يتخيل لوكان البحر رملة
لاقوارب ,لاموت و لا حرٌاكة
لوكانت الرملة زرع
لا جوع, لا مرض ولا اطفال تايهة
لوكان الزرع قطرة
لا عطش, لا جفاف ولا قهرة
لو كانت القطرة حب
لا حروب, لاكدوب ولا غدٌارة

يفيق من الحلم وهو تايه
ضايرين به وحوش جيعانة

سلٌم امرك لله و كبر ايمانك
مع الناس حسٌن اخلاقك
مع العدو بيٌن ذكائك
عمل و خدم و كبر طموحك
إلا بغيتي تحقق احلامك

--------------------------------------------------------------------------------


صبر يا قلبي و زد في الصبر
الحب و الهيام علينا مقدر
و الحبيب منين يغدر
ما ليك معاه غير الصبر

قالو لجواد زمان
لي يبغيك بزاف بغيه شوية
و لي يبغيك شوية؛
ما تبغيه لا بزاف ولا شوية
قلبي خداتو اللي غدرت بيَّ
نسيت لجواد، تبليت و قتلتني البلية
... البلية
كلها باش بلاتو الدنية
شي بالآخرة و شي غير بالدنية
وشي غير ينقز من دريه لدرية
... حتى يحصل
وحيت يحصل، يمسحها فْ البليه

صبر يا قلبي و زد في الصبر
الحبيب لِّي بغيتو عطاني بالظهر
نسى الليالي و العشرة و نكر
والحبيب حبيب
و ماليك معاه غير الصبر

--------------------------------------------------------------------------------


تعيش لي تعيش يا والدي
حتى نرد الدين اللي عندي
أنتا بويا أنتا سعدى
نهار فرحتك يا بويا هو عيدي

تعيشي لي تعيشي يا يا يومة
حتى نمسح من قلبي اللومة
معاك فهمت سر هاد الكلمة
يوم تتبسمي نعوم فالفرحة عومة

نعوض ليك يا يوبا الوقت اللي ضاع
ما ننساش يا يومة سوايع الرضاع
رضاكم علية حق مانيش طماع
وربي يا والدية وقتكم لا ضاع
ومصير الزمان اللي ولى ي
رجع


الرجوع الى أعلى الصفحة اذهب الى الأسفل
المهدي
عضو موهوب بمرجانة
عضو موهوب بمرجانة
avatar

الجنس : ذكر
عدد المساهمات : 1743
اسم الدولة : المغرب
نقاط : 5073
تاريخ التسجيل : 28/04/2011
العمل/الترفيه : أستاذ
المزاج : رايق

الأوسمة
 :

مُساهمةموضوع: رد: الزجل المغربي.مخنارات   الأربعاء 04 مايو 2011, 09:05

شكرا لك على الموضوع.

نتابع مساهمات باحترام .فلا تحرمنا من ابداعاتك



الرجوع الى أعلى الصفحة اذهب الى الأسفل
حميد يعقوبي
مدير المنتدى
مدير المنتدى
avatar

الجنس : ذكر
عدد المساهمات : 3597
اسم الدولة : المغرب
نقاط : 7591
تاريخ التسجيل : 26/07/2010
المدينة المدينة : القنيطرة
العمل/الترفيه : مواطن حر

الأوسمة
 :  

مُساهمةموضوع: رد: الزجل المغربي.مخنارات   الثلاثاء 10 مايو 2011, 03:23

شكرا لك على هذه المساهمة ..في انتظار المزيد


الرجوع الى أعلى الصفحة اذهب الى الأسفل
http://morjana.ahlamontada.com
أفندي
عضو مبدع بمرجانة
عضو مبدع بمرجانة
avatar

الجنس : ذكر
عدد المساهمات : 965
اسم الدولة : المغرب
نقاط : 4070
تاريخ التسجيل : 08/05/2011
العمل/الترفيه : الإدمان على الأنترنيت
المزاج : ما نتعدى على حد

مُساهمةموضوع: رد: الزجل المغربي.مخنارات   الأربعاء 01 يونيو 2011, 13:12

شكرا لك جزاك الله خيرا على ما تفضلت بتقديمه للقراءة والإستفادة العامة



خمسه لن_أسامحهم :
1- من أبكى اَمي قهراَ
2-من تكلم خلفي وابتسم بوجهي
3-من ظلمني وقهر قلبي
4- من يشوه سمعتيَ
5- من أحببته بصدق وطعنني
الرجوع الى أعلى الصفحة اذهب الى الأسفل
أيمن
عضو مبدع بمرجانة
عضو مبدع بمرجانة
avatar

الجنس : ذكر
عدد المساهمات : 714
اسم الدولة : المغرب
نقاط : 4069
تاريخ التسجيل : 27/07/2010
العمر : 53
المزاج : بخير

مُساهمةموضوع: رد: الزجل المغربي.مخنارات   الإثنين 13 يونيو 2011, 00:14

شـكــ وبارك الله فيك ـــرا لك ... لك مني أجمل تحية
موضوع متميز بمضامينه المعرفية .
في انتظار الجديد


الرجوع الى أعلى الصفحة اذهب الى الأسفل
جوهر
عضو مبدع بمرجانة
عضو مبدع بمرجانة
avatar

الجنس : ذكر
عدد المساهمات : 979
اسم الدولة : المغرب
نقاط : 4229
تاريخ التسجيل : 13/12/2010
العمل/الترفيه : مدرس
المزاج : بخير

مُساهمةموضوع: رد: الزجل المغربي.مخنارات   السبت 18 يونيو 2011, 11:59

شكرا لك على الموضوع.

نتابع مساهمات باحترام .فلا تحرمنا من ابداعاتك


الرجوع الى أعلى الصفحة اذهب الى الأسفل
حكمة
عضو مبدع بمرجانة
عضو مبدع بمرجانة
avatar

الجنس : انثى
عدد المساهمات : 702
اسم الدولة : المغرب
نقاط : 3669
تاريخ التسجيل : 03/04/2011
العمر : 30

مُساهمةموضوع: رد: الزجل المغربي.مخنارات   الخميس 28 يوليو 2011, 16:24

رائع جدا ما تقدمت به أخي الفاضل


الرجوع الى أعلى الصفحة اذهب الى الأسفل
رحاب
مشرفة
مشرفة
avatar

الجنس : انثى
عدد المساهمات : 1006
اسم الدولة : المغرب
نقاط : 4127
تاريخ التسجيل : 03/04/2011

الأوسمة
 :  

مُساهمةموضوع: رد: الزجل المغربي.مخنارات   الجمعة 05 أغسطس 2011, 11:43

شكرا لك على هذه المساهمة ..في انتظار المزيد


الرجوع الى أعلى الصفحة اذهب الى الأسفل
خادم المنتدى
عضو مجاهد بمرجانة
عضو مجاهد بمرجانة
avatar

الجنس : ذكر
عدد المساهمات : 3945
اسم الدولة : المغرب
نقاط : 6766
تاريخ التسجيل : 12/07/2012

الأوسمة
 :  

مُساهمةموضوع: رد: الزجل المغربي.مخنارات   الأحد 31 مارس 2013, 04:20

طرح موفق، انتقاء جيد و مفيد، موضوع راااائع و ممتع
دام عطاؤك، و تميزك، و تألقك، و تفاعلك...

بوركت و بوركت كل جهودك
تحياتي

******************************
الرجوع الى أعلى الصفحة اذهب الى الأسفل
 
الزجل المغربي.مخنارات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مرجانة :: مرجانة الأدب والثقافة :: الشعر الشعبي والزجل-
انتقل الى: